Monday, June 9, 2014
Ubakaji 'Silaha ya vita'
Viongozi wa
kimataifa wanakutana jijini London kwa wiki nzima, kwa kongamano la kumaliza
dhulma za kimapenzi katika mataifa yanayokabiliwa na mizozo.Mkutano huo, wa
siku nne umeandaliwa na Waziri wa masuala ya nchi za kigeni wa Uingereza,
William Hague na muigizaji maarufu na mjumbe maalum wa Umoja wa mataifa,
Angelina Jolie. Kongamano hilo linajiri huku mataifa kadhaa barani Afrika
yakikabiliwa na changamoto ya kumaliza ubakaji unaotumiwa kama silaha ya
kivita. Ni mwanzo wa kuidhinishwa kampeni ya miaka miwili kutoa uhamasisho
kuhusu kutumiwa kwa ubakaji na unyanyasaji wa kimapenzi kama silaha wakati wa
vita. Waandalizi wa kongamano hilo wanasema wanataka huu uwe wakati ambapo
ulimwengu utazinduka na kutangaza kwamba unyanyasaji wa kimapenzi sio jambo
lisiloweza kuepukika wakati wa vita. Ujumbe ni ubakaji sio jambo lisiloweza kuepukika
wakati wa vita. Uwajibikaji wa kimataifa Tangu William Hague na Angelina Jolie
wazinduwe kampeni hiyo, mataifa mia moja na arobaini na nane yameidhinisha
azimio la uwajibikaji wa kumaliza unyanyasaji huo wa kimapenzi katika mizozo. Lakini
lengo sasa ni kuchukua hatua madhubuti, kuendeleza uchunguzi na kuripotiwa kwa
visa hivyo vya unyanyasaji wa kimapenzi. Pia katika kutoa usaidizi zaidi kwa
waathiriwa na kuhakikisha kuwa usawa wa kijinsia unahimizwa katika operesheni
za siku zijazo za kulinda amani. Kiwango
cha jukumu hilo ni kikubwa: katika miaka ya tisaini, vita vya Bosnia
vilisababisha kuwepo takriban waathiriwa elfu hamsini wa unyanyasaji wa
kimapenzi. Takriban miongo miwili tangu vita hivyo vimalizike, ni wahalifu
wapatao 60 pekee walioshtakiwa.
Wanawake 20 wanaume 3 watekwa Nigeria
Wapiganaji wanaoshukiwa kuwa wanachama wa Boko Haram
wamewateka nyara wanawake 20 kutoka jamii inayohamahama Kaskazini Mashariki mwa
Nigeria.
Wanawake hao walichukuliwa katika Makazi ya Gakini Fulani
karibu na mji wa Chibok ambako zaidi ya wasichana wanafunzi 200 walitekwa nyara
Aprili, mwaka huu.
Walioshuhudia tukio hilo walisema kuwa wapiganaji hao
waliokuwa wamejihami kwa bunduki waliwalazimisha wanawake hao kuingia katika
magari yao kabla ya kutoroka nao katika Jimbo la Borno.
Mlinzi mmoja wa kijiji alisema kuwa washambulizi hao pia
waliwateka nyara wanaume watatu waliojaribu kuwazuia wasiondoke na wanawake
hao.
Hadi sasa jeshi halijasema lo lote kuhusiana na tukio hilo.
Shambulio hilo lilitokea katika mji wa Chibok ambako
wapiganaji wengine wa silaha waliwteka nyara zaidi ya wasichana 200 wanafunzi
Aprili, mwaka huu.
Wakati huo jeshi la Nigeria limesema kuwa limewaua
wapiganaji 50 katika kampeni yake dhidi ya magaidi mwishoni mwa wiki katika
majimbo la Borno na Aladawa.
Mfululizo wa mashambulizi Kaskazini Mashariki mwa taifa hilo
umeimarisha ukosoaji wa vyombo vya usalama vya Serikali.
Licha ya kuwepo kwa hali ya hatari katika eneo la Kaskazini
Mashariki mwa Nigeria wanajeshi hawajachukua hatua dhabiti na wakati mwingine
hawapo wakati washambulizi wanaotekeleza uhalifu wao
