Polisi wakamatwa kwa mauaji A.Kusini

Polisi wanne wamekamatwa kuhusiana na kisa cha kuwapiga risasi waandamanaji nchini Afrika Kusini siku ya Alhamisi.

Tshepo Babuseng, mwenye umri wa miaka 28, alipigwa risasi na polisi katika maandamano kuhusu swala la makaazi viungani mwa mji wa Johannesburg.

Ripoti za awali, zilisema kuwa umati wa watu uliwavamia polisi waliokuwa wanaondoa vifusi barabarani. Hapo ndipo polisi mmoja alipowapiga risasi waandamanaji hao.

Mmoja wa maafisa hao anakabiliwa na tuhuma za mauaji wakati wengine wakikabiliwa na kosa la ukandamizaji.

Msemaji wa polisi katika mkoa wa Gauteng, amesema kuwa polisi hao walio na umri wa kati ya miaka 33-49 watafikishwa mahakamani hivi karibuni.

Kitengo cha kuchunguza polisi kinasema kuwa kitafanya uchunguzi huru wa ndani kuhusiana na tuhuma hizo.

Kwa sasa polisi hao wameachishwa kazi kwa muda hadi kesi itakapoamuliwa.

Polisi nchini Afrika Kusini hutuhumiwa mara kwa mara kuhusu kuwatesa watu na kutumia njia zisizofaa kupambana na makundi ya watu wanaokuwa wanaandamana.

Mapema wiki hii kufuatia hatua ya polisi kuwapiga risasi watu wanne katika maandamano tofauti, waziri wa polisi Nathi Mthethwa aliambia BBC kuwa polisi watakawaua raia wasio na hatia hawatalindwa.

"polisi wanapata mafunzo kuwalinda raia na kuwahudumua. Hawafunzwi kuwaua,'' alisema waziri huyo.

Mwaka 2012, polisi waliwapiga risasi wafanyakazi 34 wa migodi waliokuwa wanagoma katika mgodi wa Marikana , tukio la kushangaza zaidi kuwahi kutokea tangu kumalizika kwa enzi ya ubaguzi wa rangi 1994.

Mwaka jana maafisa walinaswa kwa kanda ya video wakimfunga mwanamume kwenye gari kabla ya kumburura barabarani. Mwanamume huyo alipatikana akiwa amefariki.

Read More

Je unataka kubadilisha taaluma yako? Epuka makosa haya By Awali Mwaisanila on January 24, 2014

Kama kocha wa mambo ya taaluma, ninaweza kukwambia suala la kubadilisha taaluma ni kitu kinachohusiana sana na maadili yako, mahitaji yako, ujuzi na vitu unavyovipenda hata katika kipindi hiki ambacho hali ya uchumi si nzuri. Ukitaka kubadilisha  taaluma yako ili iwe na matokeo mazuri na yenye mtizamo chanya unahitaji mambo manne ya msingi; Unahitaji maelezo yanayojitosheleza, Ujasiri, Uthubutu na uwezo. Bila vitu hivyo utahangaika na utashindwa.

Kwahiyo unapotaka kuchukua maamuzi ya kubadili kazi ama taaluma yako hakikisha kwamba hisia zako ziko imara, hali yako ya kiuchumi imetulia na kielimu. Utapitia ngazi tofauti hivyo unahitaji umakini na uelewa wa kitu unachokifanya, unahitaji kuondoa mambo ya kuiga na kufuata mkumbo. Unapaswa kujiuliza je mpaka hapa nilipofika kitu gani cha msingi ambacho nimeweka kukifanya katika taaluma yangu? Changamoto gani nimepitia na je ninawajibika vipi katika nafasi niliyonayo sasa?. Hivyo unapofanya uamuzi vitu hivi vitano uvifuate kwa makini kwa kuwa vitaathiri maisha yako, Mahusiano yako, afya, fedha na maisha yako ya baadaye.

Makosa hayo ni kama yafuatayo

Athari za kukimbia, kukimbia taaluma uliyonayo kwa sababu umevunjika moyo na kama umesubiri muda mrefu kufanya mabadiliko ya hali yako ya sasa, umetengeneza mazingira ya kuichukia kazi yako, watu unaofanya kazi nao, kazi unayofanya na ujuzi unaotumia na unataka kukimbia mbali kabisa na taaluma hiyo. Kuna watu huwa hawaelewi kwanini wanafanya hicho wanachokifanya, na wanafanya kwa kusudi gani na mara nyingi hujaribu kukimbiakimbia kwenye taaluma. Hivyo kuishi kulingana na cheo au weledi alionao na kujikuta katika giza wa uitumia semina na mafunzo mbalimbali ili kuweza kuishi kila siku na kama dawa ya kuimarisha weledi huo.

Hiyo imesababisha watu kuishia wasikokutaka. Hivyo huhitaji matengenezo mapya kitaaluma kwasababu wamekuwa wakishi kulingana na watu wanavyokwenda. Usisubiri mpaka umechoshwa na hali uliyonayo sasa ili kufanya mabadiliko. Fanya maamuzi ya kujua taaluma yako sasa. Kufanya mambo yako yaanze kwenda vizuri anza kurekebisha mahusiano yako yaliyovunjika, tengeneza heshima, tafuta sauti yako,kuza ujuzi ulionao na ongeza uwezo wako kiujuzi. Hivyo ukiondoka hapo unakuwa na uwezo wa kwenda ngazi nyingine na itakuwa wazi kwako na kusonga mbele bila matatizo. Kukimbia hapo ulipo hautarekbisha matatizo yako ila yatajirudia kwenye taaluma nyingine ambayo unaiendea.

Kutokuwa na mpango madhubuti kiuchumi ambao utakutegemeza wakati wa mabadiliko.

Kuna watu wengi wanahitaji mabadiliko ya taaluma lakini hakuna fedha za kufanya hivyo wala mahali watakapo pata msaada. Hivyo hawafanyi uchunguzi itamgharimu kiasi gani kufanya mabadiliko hayo na hawana fedha za kufanya mabadiliko hayo.  Huweza kupata mshahara mara mbili au tatu zaidi unapokwenda kwenye taaluma nyingine inahitaji muda wa kutosha na juhudi ya ziada. Tafuta ushauri na hakikisha unaweza pata fedha za kukuwezesha kufanya mabadiliko na punguza matumizi ya fedha kwenye mambo yasiyo ya msingi.

Kukimbilia kazi ambayo huna uhakika kama una uwezo nayo au ndio unayotaka

Swali unalohitaji kujiuliza nina ujuzi gani na kipaji gani nataka kukitumia? Je ni jambo gani ninahitaji kusaidia? Je ni watu gani na mazingira gani na tamaduni gani ninaweza kufanya kazi nao ? Nina utu wa namna gani, nina maadili gani ambayo yatanisaidia katika kazi au taaluma hii? Nitakutana na changamoto gani katika taaluma hii? Kuna faida gani ambazo hazihitaji mjadala katika taaluma hii? Je ninataka kufika wapi na taaluma hii? Je inaendana na maisha na taratibu zangu za kuishi?

Kutofanya utafiti wa kutosha, mfano umekuwa karani kwa miaka mingi sasa unaona muda wa kustaafu umefika unaamua kuingia kwenye ufugaji. Je umefanya utafiti wa kutosha kufanya ufugaji?Je una ujuzi kuhusu ufugaji? Na je taaluma yako inaendana na kitu unachotaka kufanya? Utahitaji kujifunza upya kuhusu ufugaji na namna mambo yanavyokwenda. Kwasababu umetumia muda mwingi kuishi maisha tofauti na unayotaka uanze kufanya sasa.

Kukata tamaa mapema, kushindwa kufanya mabadiliko kitaaluma kunahusisha kukata tamaa mapema, huwezi kufanya mabadiliko bila kuweka jitihada ya kutosha, muda, kujitoa na kutumia fedha. Watu wengi hutegemea mabadiliko kutokea haraka sana labda kupanda cheo kwa sababu amekuwa kazini muda mrefu na vitu kama hivyo. Hivyo hukata tamaa na kutafuta mtu wa kumlaumu bila kujitizama kwamba wao wamefanya juhudi gani katika taaluma?

Je wanajua wapi wanakwenda au wanakwenda kwa sababu watu wanakwenda? Tumekuwa na watu wengi ambao wanataka kubadili kazi au taaluma bila kufanya uchungui wa kutosha. Jaribu kuangalia maisha yako na mabadiliko ya kitaaluma unayotaka kufanya kwa kufanya uchunguzi wa kutosha kabla ya kufanya mabadiliko hayo.

Read More

Huyu ndiye mwandishi kutoka kenya aliyejitangaza kuwa anashiriki Mapenzi ya Jinsia moja.

Mwandishi maarufu wa vitabu nchini Kenya, Binyavanga Wainaina, amejitokeza hadharani kuwa yeye hushiriki mapenzi ya jinsia moja.

 Hii inamfanya Binyavanga kuwa mmoja wa wafrika mashuhuri kujitokeza hadharani.

 Alifichua hali hii katika taarifa yake kupitia kwa mtandano wa kijamii wa Twitter iliyowiana na siku ya kuzaliwa kwake.Ana umri wa miaka 43. (R.M).

Hii inakujia wakati ambapo kuna mjadala mkali nchini Kenya na katika baadhi ya mataifa ya Afrika kuhusiana na suala la haki za wapenzi wa jinsia moja.

 Hivi karibuni, Nigeria ilipitisha sheria ambayo inatoa adhabu kali kwa makundi ya watu wanaoshiriki mapenzi ya jinsia moja, ilhali Rais wa Uganda alikataa kuhalalisha mswada kama huo uliopitishwa bungeni.

 Uamuzi wa Binyavanga kujitokeza hadharani umepokelewa kwa hisia mbali mbali nchini Kenya. Kunao waliompongeza ingawa baadhi wanahisi kuwa huenda jamii ikamnyanyapaa.

 Binyavanga aliwahi kushinda tuzo la mwanadishi bora zaidi Afrika la Caine mwaka 2002.

 Watu wanaoshiriki mapenzi ya jinsia moja nchini Kenya wanaweza kuadhibiwa kifungo cha miaka kumi jela ikiwa watapatikana na hatia.

Read More

Samsung Galaxy S5 inaweza kuzinduliwa February 23

Wale wanaoisubiria kwa hamu simu mpya ya Samsung wanaweza wasingoje kwa muda mrefu tena. Kuna tetesi kuwa kampuni hiyo inaweza kuitambulisja Galaxy S5, Feb. 23 kabla ya Mobile World Congress, ingawa simu hiyo itaingia sokoni April.

Kwa mujibu wa Eldar Murtazin, mhariri wa mtandao wa Mobile-Review.com , simu hiyo itatangazwa mjini Barcelona Feb. 23. Hakuna taarifa za kuaminika za namna simu hiyo itakavyokuwa lakini itapewa teknolojia ya mawasiliano kati yake na macho ya mtumiaji.

Read More

Watafiti: Kutumia smartphones usiku kunaharibu usingizi na utendaji kazi siku inayofuata

Tunafahamu usiku unaweza kuwa muda mzuri wa kupitia status za washkaji Facebook, kutazama picha mbalimbali Instagram ama kufuatilia mijadala kwenye Twitter lakini hicho kinaweza kuwa kikwazo kikubwa cha nia yako ya kutaka kupata usingizi wa kutosha ama kuwa na utendaji mzuri kazini.

 Kuzima smartphone saa 3 usiku kunaweza kukufanya ufanye kazi vizuri siku inayofuata, watafiti wamesema

Timu katika chuo kikuu cha Washington imesema matumizi ya simu usiku sana yanaweza kuharibu kabisa usingizi wako na namna utakavyofanya kazi siku inayofuata. Wameshauri wafanyakazi wawe na tabia ya kuzima simu ama lasivyo watajikuta wakishindwa kufurahia kazi kesho yake.

Watafiti hao wanasema kujiondoa kabisa na matumizi ya simu usiku ni njia ya kupata usingizi mzuri usiku. Wamewaomba waajiri kusubiri kutuma email hadi asubuhi

“Sababu ya hii kama tutakavyoelezea, ni kwamba smartphones ni mbaya kwa usingizi, na usingizi ni muhimu kwa uchapakazi wa mwajiriwa,” alisema Christopher Barnes, Profesa Msaidizi katika chuo kikuu cha Washington (Foster School of Business) aliyeongoza utafiti huo utakaochapishwa kwenye jarida la , Organizational Behavior and Human Decision Processes baadaye mwaka huu.

“Bahati mbaya smartphones zimetengenezwa mahsusi kuharibu usingizi. Sababu zinatufanya kiakili kuendelea na kazi hadi usiku, zinafanya kuwepo ugumu wa kujiondoa kisaikolojia kutoka kwenye masuala muhimu ya siku ili tupumzike na kulala. Pengine suala gumu kuliepuka kutoka kwenye smartphones ni kwamba zinatuweka kwenye mwanga, ukiwemo mwanga wa blue. Hata kiwango kidogo cha mwanga wa blue hupunguza uzalishaji wa kemikali ya usingizi, melatonin, ikimaanisha kuwa muonekano (display) unaweza kutengeneza madhara haya.”

Read More

Lil Wayne , Nick Minaj na Drake kuvunja ukimya wa Young Money, kuja na album ya kundi ‘Rise Of An Empire’ mwezi March

Kundi na label ya Young Money imetangaza ujio wa compilation album ya pili ya kundi hilo ‘Rise Of An Empire’ ambayo inafuatia ile ya kwanza iliyotoka 2009 iliyoitwa ‘We Are Young Money’.

  

 Mastaa wa familia ya Young Money wakiwemo Drake, Nick Minaj na Tyga wakiongozwa na boss wao Lil Wayne, watasikika kwa pamoja katika album hiyo inayotarajiwa kuingia sokoni March 11.

Wimbo wa kwanza kutoka katika album hiyo unaitwa ‘We Alright’, ambao umeshambuliwa na Bird Man n Lil Wayne, huku upande wa production akiwa amesimama member mpya wa Young Money, Euro.

Single ya Drake ya hivi karibuni ‘Trophies’ ambayo haikuingia katika album yake iliyopita ‘Nothing Was the Same’, itapatikana katika compilation album ya Young Money.

Read More

Bill Gates adai hadi kufikia mwaka 2035 hakutakuwa na nchi maskini duniani

Mwanzilishi wa kampuni ya Microsoft, Bill Gates amesema hadi kufikia mwaka 2035 hakutakuwa na nchini maskini duniani.

Kwenye ripoti ya kurasa 25 iliyoandikwa na Gates na mke wake Melinda, ambao ni wenyekiti wa Bill & Melinda Gates Foundation, wamedai kuwa duniani imekuwa na afueni kuliko ilivyokuwa awali. Gates ametabiri kuwa hadi kufikia 2035, hakutakuwa na nchini itakayobaki kuwa maskini.

“Nchi maskini hazitakaa maskini daima. Baadhi ya nchini zinazoendelea tayari zimeshaendelea,” alisema Gates kwenye ripoti yake ya mwaka. “Nina imani kubwa kuhusu hili kiasi ambacho nipo tayari kufanya utabiri wangu. Hadi kufikia mwaka 2035, hakutakuwa na nchini maskini duniani.”

Gates amesema katika kipindi hicho karibu nchi zote zitakuwa na kipato cha kati ama zitakuwa tajiri.

Read More